Serchhipah paragliding intihsiak tan
Serchhipah paragliding intihsiak tan
International Paragliding World Championship 2024 chu Thawhlehni khan Serchhip Bawngchawmah neih tan a ni a. Pilot-te thlawhchhuahna hmunah Serchhip bawrhsap Paul L Khuma’n a thlawk chhuak hmasa berte a vailiam.
Mizoram sawrkar leh Mizoram Aerosports Association (MASA) hmalakna in International Paragliding World Championship hi neih a ni a, December 13 thleng neih a ni dawn.
Pilot hi India ram atangin 17 an tel a, an zinga 8 hi Mizoram atanga tel an ni. South Korea, Nepal, Kazakhstan leh Indonesia atangin pilot an tel bawk. Federation Internationale Aeronautique (FAI) kaltlangin he championship-a tel tur hian mi 79 inziaklut mah se, harsatna hrang hrang avanga India ram rawn thleng thei lo an awm a. Pilot 30 an tel thei ta chauh a ni.
International Paragliding Accuracy Championship and Air Sport Festival neih chhung hian Zawlpuiah stall chi hrang hrang hawn niin mipui a duh apiang tan ei leh in tur, thei leh thlai, sangha man thar, Serchhip district-a an thil siam chi hrang hrang lei tur a awm a. Nghakuai chiah runpui neih a ni bawk. Man chawia paragliding-a thlawk duh tan intihsiak zawh atangin chuan theih a ni dawn a ni.
A kharna inkhawm hi Serchhip bialtu MLA, chief minister Lalduhoma’n a hmanpui dawn a ni.