Sertan-in serh cancer risk tihniam

Mipain mipat hmeichhiatna a hman hmaa serhtan (circumcision= serh vun hmawr tan) hian prostate cancer risk a tihniam niin mithiam ten an sawi.
Fred Hutchinson Cancer Research Center a mithiam ten zirchianna an neihah chuan hetianga mipa serhtan hian infection leh inflammation te vengin chu chuan cancer insiam tur e veng thei niin an sawi.
Infection hi cancer thlengtu pakhat a ni a, mithiam te chuan mipat hmeichhiatna atanga infection pawhin serh cancer (prostate cancer) hi a siam thei niin an sawi a, hetianga serhtan hian mipat hmeichhiatna atanga infection kai tur chu nasa takin a veng niin an sawi bawk a ni.
Zirchianna neitu te hian mipa 3,399-ah zirchianna hi an nei a, chung zinga 1,754 te chu prostate cancer niin a dang 1,645 chu cancer nei lo an ni ve thung. Zirchianna an neih hnuah chuan mipain mipat hmeichhiatna vawikhatmah a la hman hmaa serhtan a nih hian serhtan ve loh te aiin prostate cancer neih theihna risk hi 15% a nei tlem zawk niin an sawi.
He zirchianna chungchang hi Cancer online edition-ah tihchhuah a ni.