Shaboozey ‘A Bar Song (Tipsy) a Hot ber

On Aug 28, 2024 14 0

Shaboozey ‘A Bar Song (Tipsy) a Hot ber
Shaboozey hla hit ‘A Bar Song (Tipsy)’ chu Billboard Hot 100 (singles) chart-ah a No.1 a, he chart-ah hian a zawn lovin kar sarih a No.1 tling ta a, he chart-a kar ruk No.1 thei Post Malone ‘I Had Some Help’ featuring Morgan Wallen lehpelin, kumin a hla tlangzarhah chuan he chart-a No.1 ni rei ber a la ni. Shaboozey tan he chart-a a hla No.1 kai thei hmasa ber a ni a, July thla khan rawn No.1 tanin, a zawn lovin kar sarih a No.1 tling ta a ni.
Billboard Hot 100 (singles) chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni. ‘A Bar Song (Tipsy)’ hian stream maktaduai 32.5 leh sales 13,000 a la nei thei a, radio airplay pawh ngaithlatu maktaduai 88.2 neiin, hei hi chart-ah a No.1 pui leh ta a ni.
Chart No.1 hlui, he chart-a kar ruk No.1 thei Post Malone ‘I ad Some Help’ featuring Morgan Wallen chu No.2-a bawk awm lehin, tihian Hot 100 chart No.1 leh No.2 te hi Hot Country Songs chart-ah No.1 leh No.2 an ni ve ve bawk a, hetiang hian kar ruk chhung chu a awm tawh a, coutry hla pahnih Hot 100 chart No.1 leh No.2-a a zawna a awm rei ber tum a la ni.
Lady Gaga leh Bruno Mars hla thar ‘Die With a Smile’-in stream maktaduai 27.4 leh sales 21,000 bakah radio airplay ngaithlatu maktaduai 13 neiin, No.3-ah a debut a, Bruno Mars tan he chart-a top 10 kai thei hla 19 a neihna niin, Lady Gaga tan 18-na a ni ve thung. Bruno Mars hi November 2021 hnua he chart top 10-a a lan lehna hmasa ber niin, Gaga tan pawh June 2020 hnua he chart top 10-a a lan lehna hmasa ber a ni.
Chart No.1 hlui Kendrick Lamar ‘Not Like Us’ chu No.3 atangin No.4-ah a tawlh a, Billie Eilish ‘Birds of a Feather’ chu No.5-ah bawk la awmin, Chappell Roan ‘Good Luck, Babe!’ chu No.7 atangin No.6 a kai thar leh a, Sabrina Carpenter ‘Espresso’ chu No.4 atangin No.7-ah a tawlh a, Tommy Richman ‘Million Dollar Baby’ chu No.6 atangin No.8-a a tawlh a, chart No.1 hlui pahnihin top 10 kharin Sabrina Carpenter ‘Please Please Please’ chu No.8 atangin No.9-ah a tawlh a, Teddy Swims ‘Loose Control’ chu No.9 atangin No.10-ah a tawlh ta bawk.