Shaboozey hla hit ‘A Bar Song (Tipsy)’ chu Billboard Hot 100 (singles) chart-ah a No.1 a, he chart-ah hian kar 12 a No.1 tling ta a, kumina he chart-a hla pakhat hmanga No.1 ni rei ber a nihna a sawhnghet leh ta sauh a, amah hnaih bertu aiin a letin a No.1 rei zawk a ni.
Billboard Hot 100 (singles) chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Shaboozey ‘A Bar Song (Tipsy)’ hian kar khat chhungin radio airplay-ah ngaithlatu maktaduai 78.2 la nei theiin, stream pawh maktaduai 27.8 a la tling a, sales 8,000 a la tling thei bawk.
‘A Bar Song (Tipsy)’ hi Hot 100 chart history-ah kar 12 chin No.1 ni thei 24-na a ni a, Shaboozey tan he chart-a a hla No.1 kai thei hmasa ber a ni a, he chart-a midang zaipui lova a lanna hmasa ber a ni bawk. Chart-ah hian midang a zaipuina avangin a lo lang hmasa tawh a, Beyonce nena an zai dunna ‘Spagetti’ chu No.31 kaiin, ‘Sweet * Honey * Buckiin’ chu No.61 a kai tawh bawk.
Chart-a kar ruk No.1 thei Post Malone ‘I Had Some Help’ featuring Morgan Wallen chu No.2-ah bawk a la awm a, he hla hi May thla atang khan chart top 5-ah a la lang char char a ni.
Sabrina Carpenter-i’n chart top 10-ah hla pathum nei lehin, a zawnin kar nga chhung hetiang hi a nei thei ta a, Billboard Hot 100 history-ah hmeichhe zaithiam zingah hetiang tithei hmasa ber a ni. A hla ‘Espresso’ chu No.3-ah bawk la awmin, a hla dang chart No.1 pawh lo ni tawh ‘Please Please Please’ chu No.9 atangin No.8-ah a insawn a, No.2 pawh lo ni tawh ‘Taste’ chu No.8 atangin No.9-ah a tawlh ve thung.
Chappell Roan ‘Giid Luck, Babe!’ chu No.4-ah bawk awm lehin, Lady Gaga leh Bruno Mars ‘Die With a Smile’ pawh No.5-ah bawk a la awm a, Billie Eilish ‘Birds of a Feather’ chu No.6-ah bawk la awmin, chart No.1 hlui Teddy Swims ‘Lose Control’ chu No.7-ah bawk a la awm a, top 10 khartu chu chart No.1 hlui Kendrick Lamar ‘Not Like Us’ niin, No.10-ah bawk a la awm.
Shaboozey ‘A Bar Song (Tipsy)’ a la Hot ber
Get real time updates directly on you device, subscribe now.
Prev Post