SHC huamchhungah kuhva tiak sem

SHC huamchhungah kuhva tiak sem
Sinlung Hills Council (SHC) huamchhung khaw 31 tan kuhva tiak a thlawnin a sem.
Inrinnia SHC office Sakawrdai tualah kuhva tiak semnaah SHC chief executive member Ricky Lalremsanga chuan, sum leh paiah SHC-in harsatna nasa tak a tawk mek chungin, retheihna leh harsatna atangin Hmar mipui khaichhuah ngei an tum a, chu chu SHC pianna atana Hmar pasaltha leh Hmar hnam tana martar-te duh dan a nih ngei an ring tih sawiin, chu chu SHC huamchhunga kuhva chingtute tan sum leh pai tam tak an sen chhan a ni tih a sawi.
SHC executive member i/c Agriculture Lalhriatchhunga Hmar pawhin SHC-ah MNF leh HPC(R)-in sawrkarna chang mah se, thleibik neiloin Sinlung huamchhunga kuhva ching a duh apiang tan kuhva tiak hi sem a ni tih a sawi a. Sinlung Hills chu party politics chhiain a chenchilh ve a rem lo, tiin, “Kan zavaia unau kan nihna anga inhmangaih tawn tur leh thliar bik neih hi SHC sawrkar MNF leh HPC(R) hotute duh loh ber a ni,” a ti.
SHC hotute hian an huamchhung bial 12-a khaw 31 tan kuhva tiak 45000 an sem chhuak a ni.