SHC inthlana ZPM candidate puang

November 5-a Sinlung Hills Council inthlan turah ZPM leh HPC party an thawkdun dawn a. Bial 12 awmah ZPM-in bial 8 an chang dawn a, heng bial 8-a candidate tur hi Thawhtanni khan an party office-ah an puang.
Sinlung Hills Council inthlanpui atana an party Election Committee chairman, ZPM vice president W Chhuanawma, MLA chuan candidate hi a puang a. ZPM president Lalliansawta’n thu a sawi bawk.
ZPM president chuan ZPM sawrkar hnuaiah Zoram mipui an ngaih a thain sawrkar tharah an thla a muang hle tih a sawi a. An party thil tum – ‘Ram rorelnaa Pathian ram tun din’ tih chu a pawimawh chho zel dawn, tiin, “Sawrkar kalphungah leh kan party kal zel dan turah Pathian ram tungding tura hma kan lak chhoh zel a tul hle dawn a ni,” a ti.

SHC inthlana ZPM candidate leh an dinna tur bial:

8 VL Siamsanga – Phuaibuang
8 Lalvenhima Hmar – Suangpuilawn
8 HC Lalhunhlua – Vanbawng
8 Saizawna Sailo – Ratu
8 Lalhlunchhunga – New Vervek
8 Lalram Muanpuia – Sakawrdai North
8 HC Lalmalsawma – Zohmun
8 Lalrawngbawla – Saipum