Siaha-ah power supply sawikhawm

Power & Electricity Department Siaha bultumin district chhunga power supply chungchangah Lunglei Power Circle superintending engineer Er Lalrinmawia hoin an thukhawm.
Lunglei Power Circle SE hian Siaha district-a power supply a that zawk nana hma lak mek a sawi a. Sawrkarin chhimlam power dinhmun a ngaipawimawh, tiin, hmachhawp an neihte a sawi a, theihtawp an chhuah mek tih a sawi bawk.
Khawiva atanga Chawnhu 132kv line upgrade tura hma lak dan leh an upgrade hun chhunga chak zawka hna thawh a nih theih nan chhun lamah power supply shut down a ngaih dawn thu te sawiin, Siaha mipui hriatthiamna leh tawiawmna a dil nghal a ni.
Siaha Power Division chu 2023- 2024 chhungin Mizoram pumah transformer enkawl kawnga titha ber, transformer chhia tlemna ber a ni tih Er Lalrinmawia hian a sawi a. Siaha Division leh a hnuaia sub division hnenah lawmpui thuziak a hlan a ni.
Thutkhawmah hian awngtlai Power Division leh Siaha Power Division hnuaia thawktute bakah Siaha-a tlawmngai pawl aiawhte an tel a. Zawhna an neihte chu department hotute hian an chhan nghal bakah rawtna awmte an ngaithla a ni.