Siaha district CDR 86.02%; Mamit district CDR73.58%

Siaha district CDR 86.02%; Mamit district CDR73.58%
District Consultative Committee (DCC), District Level Review Committee (DLRC) leh District Level Security Committee (DLSC) chu Nilaini khan Siaha leh Mamit-ah an thu a. Kumin January – March inkar, sawrkar kumtawp kharna ni bawka hnathawh thlirlet a ni
Siaha-a additional DC Abraham Beirazi Khithie hoa thutkhawmah, hemi quarter chhung hian an district-a bank hoah mipuiin sum an dah luh (deposit) zat za zela bank-in mipuia sum an puktir (credit) zat chhutna – Credit/Deposit Ratio chu 86.02% a ni. Quarter hmasa, December 2024 (97.26%) nena khaikhinin CD Ratio hi 11.24 % in a tlahniam a ni.
Siaha district-ah hian public sector bank 1, private sector bank 2, regional rural bank 3 leh state cooperative bank 2 awmin, ATM Booth 7 a awm. Bank, lead bank leh CFL kaltlangin mipui hnena sum hman leh enkawl dan inzirtirna tum 55 buatsaih niin, mi 1177-in an chhim.
Mamitah DCC chairman, bawrhsap K Laltlawmlova hoa thutkhawma report danin, Mamit district-a bank hrang hrang March quarter-a Credit Deposit Ratio hi 73.58% a ni a, December 2024 quarter-ah 76.95% a ni.
District Credit Plan thlirho a ni a. Agriculture hnuaiah 61.01%, MSE 56.52%, services 44.12% niin, a vaiin 57.41% a ni a, crop loan 65.36% a ni bawk. Heng bakah hian bank hrang hrangin MUDRA loan leh KCC loan an pek dan zirchian a ni.