Siaha district tan nuai 6000 pawm

Siaha district tan nuai 6000 pawm
Sawrkar laipui chuan Siaha district tihhmsawnna atan hmasawnna ruhrel hrang hrang siamna tur cheng nuai 6000 pekna tur a pawmsak.
BJP Mizoram thuchhuah danin, BJP Siaha District hruaituten sawrkar laipuia an district hmasawnna hnathawhna tur project tam tak an thehluh atangin Siaha district bika hman tur cheng nuai 6000 a rawn pawmsak tih sawiin, an lawm hle tih a sawi.
‘Mizoram mipuiin central-a BJP kaihhruai sawrkar kaltlanga India ram hmasawnna bakah state tinin hmasawnna an kalpui dan hi kan hre tlang viau tawhin a rinawm a. Chutiang hmasawnna chu Mizoramah pawh kan nei ve thei a ni tih a langchiang hle ah kan ngai,’ a ti. Mizoramah hmasawnna a thlen theihnan kawng zau tak a inhawng tih sawiin, chumi kawng zawh tur leh central malsawmna dawng thei tura kan insiamrem chuan, hmasawnna nasa tak Mizoram-in a nei thei tih a chiangah an ngai tih a sawi bawk.
BJP Mizoram-in sawrkar laipuiin Siaha district hmasawnna hnathawhna atana a pawmsak nia a sawi chu – construction of Maraland Centenary Hospital (nuai 3000), construction of Multipurpose Youth Centre (nuai 900), construction of Mara Tribal Girls Hostel at Zotlang Aizawl (nuai 900), construction of school buildings under MADC (nuai 1000), Cold Storage and Spice Grinding Unit for MADC (vbch. 3.193), contruction of Multipurpose Hall at Tipa (nuai 400) a ni.
Sawrkar laipui hian Siaha hruaituten an thlen angin tuna project an approved baka project dangah pawh hma lak chhunzawm zel a nih tur thu BJP Siaha District hruaitute an lo hrilh bawk a. BJP Mizoram mite central-in min ngaihpawimawh zia a tichiang hle ah kan ngai. Politics kan khelh chhan ber development thlenna atan BJP hi a pawimawh a ni tih hei hian a tichiangah kan ngai,’ thuchhuah hian a ti.
Sawrkar laipui hruaitute dawr hian Mara Autunomous District Council chief executive member M Laikaw, adviser to CEM N Zakhai leh MDC & BJP National secretary i/c Minority Morcha Delson Notlia te an kal a ni.