Sikul 1200 chuangin headmaster nei lo

Mizoramah headmaster nei lo sikul engemaw zat an awm a, primary school leh primary school-ah ringawt pawh headmaster nei lo 1200 chuang an awm.
School education minister-in House a hrilh danin, Mizoramah primary school 699 leh middle school 528-in headmaster an nei lo a, primary leh middle inzawmte nen, an vaiin 1272 an ni.
Hachhek bialtu Robert Romawia Royte zawhna, ziaka chhan chi chhangin education minister Dr Vanlalthlana’n primary school leh middle school headmaster nei lo zat hi a sawi a, primary school 699 leh middle school 528 bakah hian primary leh middle inkawp sikul pali a awm bawk.
Sorkar sikul bikah primary school 412-in headmaster an nei lo a, middle school 264-in an nei lo bawk.
Headmaster nei lo sikul zat
Govt School
Primary School 412
Middle School 264
SSA
Primary School 154
Middle School 264
Middle with Upper Primary 1
Local Body
Primary School 133
Middle School (UPS) 40
Middle with Upper Primary 4