Sikul naupang tan chess championship

Ni li awh tur 11th Mizoram Inter School Chess Championship 2024 chu Thawhtanni khan Ramhlun Indoor Stadium-ah khelh tan niin, naktukah an zo ang.
Hawnna inkhawma thu sawitu Mizoram Chess association president Er. Lalchhuana chuan zirlai naupang chess khel thiamte fuihin d uhsakna a hlan a, tournament a hawng nghal.
He championship-ah hian sikul hrang hrang 37 atangin zirlai naupang chess khel thiam mi 655 an chhuak a, player tel tam ber kum niin, nikum aiin player 100 laiin an tam.
Inter school chess championship-ah a kum telin player chhuak an tam zel a; tunah hian sikul hrang hrang 24-ah Chess in School (CIS) programme kalpui mek a ni a, hei hian chess player a tipung chak hle a ni.
Kuminah player 655 inlante hi championship nghahna hall-in a dawl zawh loh avangin tournament hi tum hniha thensawm niin, July ni 1-2, 2024 khan primary leh middle sikul-te’n an khel phawt a, tah ngawt pawh hian player 359 an tling a ni.
Vawiin leh naktuk hian high school leh higher secondary school-te’n an khel ve leh ang a, he category pahnih atang hian player 296 ngawt an inlan zui leh dawn ni.