School Education department hnuaia PM POSHAN Mizoram huaihawtin Thawhlehni khan Lawngtlai RD Block leh Bungtlang ‘S’ RD Block huamchhunga sikul zirtirtute tan sikul naupang tana chawchhun sem kalpui danah “One-day workshop on Management of PM POSHAN” buatsaih a ni.
Hmanpuitu School Education joint director R Lalnunthari chuan zirlaite hriselna ngai pawimawh turin zirtirtute a chah a. Chawchhun sem kalpui chungchangah state lamin theihtawp chhuaha sawrkar laipuia record tha nei tura hma a lak thin thu leh, zirtirtute thenkhatin report update zung zung nachang an hriat loh avanga harsatna a thlen thin thu a sawi a. Mizorama zirna in hma a sawn theih nan leh zirlaiten hmasawnna tluantling an neih theih nan thahnemngai turin a fuih a ni.
PM POSHAN programme coordinator HC Zirtluanga leh programme assistant Lalrinngheta Sailo ten PM POSHAN chungchanga hriat tur hrang hrang, mid-day meal account vawn dan leh update dan an zirtir a. Zawhna chhan a nih bakah sawi ho zui a ni.
Workshop-ah hian Lawngtlai district hnuaia Bungtlang ‘S’ Block leh Lawngtlai Block atangin sikul aiawhin PM POSHAN enkawltu zirtirtu 150 an tel a. Vawiin, April 24 hian PM POSHAN workshop hi Chakma ADC huamchhunga sikulte tan buatsaih leh tum a ni.
Sikula chawchhun sem kalpui mekah zirtirtute hriat tur hrilh
Get real time updates directly on you device, subscribe now.
Prev Post
Next Post