Silai kengten Mexico rorelna sanga judge kaphlum

Silai kengten Mexico rorelna sanga judge kaphlum
Mexico rama silai keng pawl pakhat chuan Acapulco khawpuia courthouse pawnah judge an kaphlum.
Judge Edmundo Roman Pinzon hi an ram huna nilaini chawhnu khan courthouse pawn lam, a car park-na atanga a tlanchhuak tur kah niin, a taksaah silai mu pali a lut nia tarlan a ni.
Pinzon hi senior judge niin, Acapulco awmna Guerrero state-a court sang ber president ni lai a ni bawk.
Mexico ram hi tualthah leh tharum thawh nasatna hmun niin, dan lova sumdawng tam tak inkhuarna leh mi leh sa tam tak an neihna hmun a ni a, sorkar chuan heng mite laka beihpui a thlak chhoh lai a nih avangin en liam mai an tum loh thu an sawi.
He tualthahna chungchang hi ngawrh taka chhui nghal niin, tualthahna hmuna CCTV footage hrang hrangte pawh lakkhawm nghal a ni a, rinhlelh man erawh an la neih rih loh thu thuneitute chuan an sawi.