Silai leh chemte hmangin mi paruk tihlum

Israel chuan an khawpui pakhat Tel Aviv-ah mi pakhatin chemte leh silai hmangin mi paruk a tihlum niin an sawi a, mi pakuain hliam na tak an tuar tih an sawi.
Police te sawi danin hepa hian pawisawilote chu a silai leh chemte kawl lai hmangin a bei thut nia sawiin, rawlralna chetna dik tak, dawihzep hna a ni an ti.
Pawikhawihtu hi man nghal a nih thu an sawi bawk a, a nihna leh amah hriat theihna tur awm ang erawh la thup a nih thu sawiin, a lak atang hian thil hriat belh duh an neih vang a nih thu an sawi.
An sawi zel danin, tunlai an ramchhunga rawlrala chetna thleng mek chungchang nen inkaihhnawihna a nei em tih hriat chian phawt an tum dawn a, anmahni beitute hian kawng dang an dap theih ve reng avangin fimkhur a tul rih thu an sawi bawk.