India sipai lak a ni dawn a, lak danah hian kalphung duan thar hman a ni dawn.
Aizawla thuthar thehdarhtute a kawmnaah Army recruiting officer Col. Sarwan Kumar chuan kum 2023- 2024 chhunga sipai lak runpui an neih turah, kumin February 16 atanga March 15 chhung hian kum 17 atanga 21 chinin online-in registration an ti thei a. Sipai lak danah kalphung thar an hmang tih a sawi.
A tawp bera written exam an neih thin chu a hmasa berah online hmanga exam tawh tur a ni a; online written exam paltlangte hian physical test bakah medical test an hmachhawn leh dawn a ni.
Kalphung tharah hian sipai lakten kum 4 chhung service an neih hnuin, an record hrang hrang azirin lak nghet, permanent recuitment an neih theih tur thu a sawi a ni.
Online registration chungchangah buaina leh harsatna nei tan www.joinindianarmy.nic.in ah video en tur a awm bakah phone no 0389- 2351166 leh 2351118 ah te office hun chhunga zawhfiah theih a nih thu ARO hian a sawi bawk.
Sipai lak dan kalphung thar hmang dawn
Get real time updates directly on you device, subscribe now.
Next Post