Six Kings Slam King Jannik Sinner

Tennis-a sum tam uchuakna Six Kings Slam chu Pathianni zan khan khelh zawh a ni a, a zawn champion turin Jannik Sinner chuan a elpui lian Carlos Alcaraz chu set hloh lovin a hneh a, a champion nawn leh.
Six Kings Slam 2025 final-ah Jannik Sinner hian a elpui lian Carlos Alcaraz lakah bul a tan tha viau a, dan rual lohin a inlan a ni ber mai. Sinner hian set khatnaah game hnih chauh a hloh a, a khingpui a thunun hneh hle. Set hnihnaah Alcaraz khel tha hret mahse hun pawimawhah uiawm takin a serve a hum zo lo tlat thung. Sinner hian break pawimawh tak a neih a chhawr tangkai zui leh a, game lo hloh chunga set lak belh lehin Alcaraz lakah hian 6-2, 6-4 in hnehna a chang a, Six Kings Slam-ah a champion nawn leh ta a n.
Alcaraz hnehtu Sinner hian match hnih, set li chauh khel chungin US Dollar maktaduai 6 (£4.5m) zet a hlawhchhuak a, hei hi US Open champion in an dawn aiin a tam zawk. Sum tamna Six Kings Slam-ah a champion zawn hi Jannik Sinner hian a hlawkpui hluai dawn.
Kum kal mekah Jannik Sinner leh Carlos Alcaraz te an inel tawk em em a, Grand Slam final-ah vawi thum an intum a, kum 2025 chhungin Grand Slam-ah vawi hnih ve ve an champion bawk. Inel tawk em em pahnihin Six Kings Slam an khar hi inelna tihlu zualtu a ni.
Sinner a champion lai hian Semi-final-ah Sinner hneh lova tlawm Novak Djokovic chuan Taylor Fritz a hmachhawn tluan thei lova, pathumna a ni zo lo.