Skupski leh Krawczyk kal zel

Kum 2021 leh 2022 Wimbledon mixed dou-bles title latu Neal Skupski leh Desirae Krawczyk \angdun chuan Australian Open 2024 kal mekah title an hnaih zel a, nimin khan Briton leh American inkawp hian British pair Heather Watson leh Joe Salisbury lakah minute 65 lek chhunga 6-1 6-4 hnehna samkhai tak changin Australian Open mixed doubles semi-final an lut.
Tarlan tak angin, London khuaa major title pahnih la tawh Skupski leh Krawczyk hian an grand slam title pathumna tur an beisei mek a; Melbourne Park-ah hian nikum pawh khan last four thleng tawhin, Indian pair Sania Mirza leh Rohan Bopanna an paltlang zo lo.
Tun\um hian semi-final match-ah Australian wildcards Olivia Gadecki leh Marc Polmans in-kawp an su dawn a; Australian pair hian quarter-final match dangah 6-4 7-6 (9-7)-in sixth seeds Gabriela Dabrowski of Canada leh American Nathaniel Lammon an paltlang.
Krawczyk hian kum 2021 khan Salis-bury nan \angdunin French Open leh US Open mixed doubles title a lo sualchhuak tawh bawk a ni.