Slovakia-in pro-Russian leader nei thar

Populist pro-Moscow party PM hlui Robert Fico kaihhruai chuan Slovakia parliamentary election-ah chakna an chang zui a.
Smer-SSD party te chuan exit-poll in liberal centrist party in chakna an chang dawn an tih laiin vote chhiarah 24% vel laiin chakna an chang zawk dawn a, vote la chhiar vek loh a ni zui zawk.
Smer te chuan thuneihna chang a nih chaun Ukraine military support an tihtawp nghal tur thu an sawi sa tawh a ni.
Fico hi kum 2018-a investigative journalist Jan Kuciak thah a nih chungchang avangin PM atanga bantira lo awm tawh a ni.
Tunah erawh coalition sorkar din ngei dawnin inbiakna an nei tan tawh a.
Exit poll-in chak zawk tura a dah Liveral Progressive Slovakia party te chuan 17% vel vote an hmu thung a.
Pro-European Hlas party te sorkar thar piang tura pawimawhna thuk tak neite chuan 15% vel an hmu ve thung a.
Fico thawhpui thin leftist Hlas leader Peter Pellegrini chuan thawhona kalpui theih turah a inhawn thu a sawi.
“Seat lak dan chhutin Hlas tel lovin tu party mahin sorkar an siam thei dawn lo,” tiin Pellegrini chuan a sawi a.
Fico hian Hlas nena thawk dunin hma an la thei a, Hlas te hi erawh kum 2020-a Smer atanga inla hrang niin hei bakah hian Slovak national party te 5% vel vote hmu te pawh sorkar siampui theih tura ngaih an ni.
Parliament luah tur siamna turah party hrang hrang 10 vel zet an tel thei tura ngaih niin chung zingah chuan libertarians atanga far-right thlengin an awm thei tura ngaih niin mahse hun a duh deuh tura ngaih a ni.
“Smer-in sorkara telna an nei a nih chuan Ukraine hnenah silaimu pakhat pawh kan thawn lovang,” tiin tun hnaiah Fico chuan a sawi.
Fico chuan ‘pro-Russian politician’ tia an sawi chu hnawlin mahse a thutlukna siam leh tawngkam te chu Moscow tan lawmawm lam vek niin Brussels leh Washington te tan erawh ngaihmawhawm tak a ni thung.
Fico thusawi hian European Union leh Nato member te chu inralring riaua a awmtir laiin Slovaks tun hma atanga Moscow nena inzawmna nei erawhah thlawpna a hmu tam thung.
Slovakia hi Kyiv thlawptu langsar leh rinawm tak ni reng thin ni thungin tun hnaiah pawh Kyiv hnenah surface-to-air missile bakah helicopter te pawh pein heng mai bakah hian MiG-29 fighter jet te pawh a pe a ni.