Smuggling nasa lutuk hi thla khat chhunga tihrem kan tum – Home minister

Mizorama smuggling nasa lutuk chu tun thla chhung ngeia tih rem an tum dawn tih Home minister K Sapdanga chuan a sawi.
Thawhtannia ZPM office hawnnaah an party wroking president ni bawk K Sapdanga hian Mizorama dan bawhchhiatna chi reng reng tihrem tumin Home department atangin tan lak an tum a. Smuggling nasa lutuk chu thla khat chhung ngeia tihrem an tum tih a sawi.
“Check gate hrang hranga dan bawhchhiatna tam lutuk, civil mite ai maha thawktute dan bawhchhiatna tam lutuk hi theihtawpin tihrem kan tum dawn a, pawnlam ai mahin a chhunglam chinfel ngai a tam. Chutiang tur chuan thawktute an inhuam a, mipui leh tlawmngai pawl leh kohhran thlengin thawhho puiah kan sawm a ni,” a ti.
Entitlement chungchangah Home department-in department dang entawn tur siam an tum tih Home minister hian a sawi a. Theihtawp leh dik taka an thawh theih nan mipuiin lo thlahfal lawk turin a ngen tih a sawi a ni.