Social media hmangtute vau thaih hi a tha lo hle – PC party

ZPM kaihhruai sawrkar chu social media hmangtu mipui leh sawrkar hnathawkte vau thaihah PC party chuan puhin tha lo an tih thu an sawi a. An party an sawrkar hun chuan inenna darthlalangah an hmang zawk dawn tih an sawi.
PC party thuchhuak chuan, sawrkar tha lo zia an sawi thin, mi vau thaih hmanga inawpbeh (reign of terror) kalhmang Mizoram sawrkarin a lantir chho a, chief minister-in sawrkar hnathawk a vau anga ngaih theiha thu a chhak chhuak chu tha an ti lo tih a sawi. Hetiang inawpna kalhmang hi sawrkar tha lo zia nia an hriat avangin an kal thui lehzual hma in inenlet se an duh tih a sawi a ni.
ZPM sawrkar lakluh hlimah chief minister chuan social media hmangtu mipui vau in, mahni hming leh nihna thup (fake account) chunga sawrkar sawiselna chhakchhuak fo tute chhui a, an chunga action an lak tur thu a aupui tih sawiin, ‘Kha khan social media activist tam tak a titîm nghal a. A tîm ve lo, social media activist an man a, an lepse hnu phei chuan social media-a thu lengvak nasa takin a danglam nghal. Right to freedom of speech and expression hmang ngam lo an pung chak chu thil pawi tak a ni,’ a ti.
Hetiang a nih laia sawrkar hnathawk lian ho hmaa chief minister-in sawrkar hnathawk zinga social media hmangtute ah mahni hming leh nihna thup hmanga sawrkar sawiselna tarlang fo tute umzui leh chhuizui a, an chunga action an lak tur thu vauna anga ngaih theih a sawi nawn chu tih PC party hian a sawi bawk.
‘Kan sawrkar hunah chuan sawiselna leh thudik inthup puanchhuah hi inenna darthlalang atana hmangin, rorelna dik neih theih nana hmanraw tangkai takah kan hmang dawn a ni,’ an thuchhuah chuan a ti.