Mizoram State Commission for Protection of Child Rights (MSCPCR) chuan, dan kalha thil tia puh naupang kum tling lote nihna tilang thei social media lama pholang leh puangzartu YouTubers leh Facebookers te lakah tunhnai khan Cyber Crime Police Station Aizawl-ah FIR a thehlut a. Hetianga kum tling lote nihna tarlan hi ‘The Juvenile Justice (Care & Protection of Children) Act, 2015, Section 74’ chuan a khap tlat tih MSCPCR chuan thuchhuah siamin, he dan bawhchhetute hi thla 6 chhung lung in tantir leh cheng nuai hnih thleng chawitira hrem theih a ni, a ti bawk.
Kan hriat angin tun hnaiah Tuirial Airfield Venga thil duhawm lo tak thleng chungchang video hrang hrang chu social media platform hrang hrangah a darh nasa hle a, tun thleng hian hemi kaihhnawih thu thar eng eng emaw a la darh zui zel a. |henkhat chu thu dik tawk lo a ni tih hriatchhuah lehte pawh a awm a. Finfiahna awm mang si lova, dawt a nih leh thutak a nih hriat harsa tak thehdarh a tam hle. Hei hian mipui rilru a ti chiai hle a ni.
Hetiang thu thehdarhtu YouTuber, Facebooker etc. te hian an channel tihlar nana post hmasatu nih an inchuhna lamah mipui hruai sual thei thu an dah tel thei a, chhungkua leh chhungkua emaw, veng leh veng emaw, khawtlang leh khawtlang emaw, pawl leh kohhran te thleng pawhin a ni ang, inhmuh thiam loh phahna thlen theihna a tam thin hle a ni.
Kan ramin hetiang kaihhnawih Dan kan neih hmasak ber chu ‘Information Technology Act, 2000’ kha a ni a. Technology lo changkang chho zel mil turin he Dan behchhan hian Rules te pawh siam that (Amend) chhoh zel a ni a. Information Technology (Intermediary Guidelines and Digital Media Ethics Code) Rules, 2021 hnuah ‘Information Technology (IT) Rules, 2023’ a lo piang leh a. Dan Pui siam that a nih dawn hian debate te pawh neih hmasak a ni thin.
Social media platform hrang hrang kan leklam dan han thlir hian, Mizoram pawh hian social media hman kawnga inkaihhruaina dan hi keimahni puala kan mil tawk tura her danglam te pawh kan mamawh ta niin a lang. Hemi chungchang legislation kalpui tur hian Dan lama kan mithiamte leh kan ram hruaitute hian ngun taka ngaihtuahna an sen hi a pawimawh ta hle a ni lawm ni, a tih theih awm e.
Social media kaihhruaina…
Get real time updates directly on you device, subscribe now.
Prev Post
Next Post