Social media lama follower ngah Dwayne ‘The Rock’ Johnson

Dwayne ‘The Rock’ Johnson hian hmanni lawkah Guinness World Records a siam a, a record siam thu hi social media lamah a follower-te tan a puang nghal. WWE-a a larna piahah Dwayne Johnson, The Rock tia hriatlar ni bawk hi global icon a ni a, WWE atangin Hollywood star hlawhtling ber zingah a inhlangkai a, tunah chuan actor zinga TikTok-a follower ngah ber a ni ta a, Instagram-ah pawh American mipa zinga follower ngah ber a ni bawk.
The Rock chuan a record hi Instagram-ah post-in, “Mipa naupang arngeng ngah ve thei tak, lu kir buk chhip chhep ni thin, fanny pack ak ve nak nak thin, mit vun tikâng deuh âk avanga lar ve mai mai tan chuan a chhe hran lo e,” a ti.
The Rock hian TikTok-ah follower maktaduai 74.4 a nei tling tawh a, actor zinga TikTok-a follower ngah ber a ni. Instagram-ah pawh a active viau a, follower maktaduai 397 neiin, American mipa zinga IG-a follower ngah ber a ni bawk.