Soft drinks in nasat vangin asthma risk a sang

Soft drinks in nasat vangin asthma risk a sang
Soft drink (coca cola, Pepsi, etc) in nasat hian asthma risk a ti sang thei niin an sawi a, chronic obstructive pulmonary disease (COPD) risk pawh a tisang thei niin mithiam ten an sawi.
University of Adelaide-a mithiam ten zirchianna an neih tharah Coke, lemonade, Powerade, Gatorade, flavoured mineral water leh hetiang lam chi thildang kan in nasat dana zirin 13.3% atanga 15.6% thlengin COPD risk hi a tisang thei niin an sawi a, nikhata hetiang lam litre chanve aia tam in thin te pawhin a in ve ngai lo te aiin asthma neih theihna risk 1.26% atanga 1.79% in an nei sang zawk niin an sawi bawk.
He zirchianna atan hian South Australia-a cheng mi 16,907, kum 16 aia upa vek te chu March 2008 atanga June 2010 inkar-a heng soft drink te an in tam dan teh a ni a. Soft drink hi in nasat poh leh risk hi a sang mai niin an sawi.
He zirchianna chungchang hi journal Respirology-ah tarlan a ni.