South Korea in Russia atanga North sipaite haw tir duh

South Korea in Russia atanga North sipaite haw tir duh
South Korea chuan Russia ambassador koin, Ukraine do tura North lam sipaiin Russia a training an nei chu an duh lo hle tih an sawi a, ‘a rang thei ang bera haw tir’ a phut.
Seoul spy agency te sawi danin North Korea sipai 1500 vel (special force te pawh telin) chuan Russia an thleng tawh a ti.
South Korea vice-foreign minister Kim Hong-kyun chuan Russia ambassador Georgiy Zinoviev a kawmnaah he thil hi a sawisel na hle a, Seoul chuan, ‘a theih ang angin a chhang let dawn,’ a ti.
Hemi chungchangah hian Pyongyang chuan engmah a la sawi lo thung.
South Korea chuan hun rei tak chhung chu Ukraine te beihna tur ralthuam Russia hnena supply-ah North lam hi a lo puh tawh a, mahse tunah hian ralthuam mai bakah sipai leh an hmanrua thlengin a thawn tawh niin South lam thuneitute chuan an sawi.