SP tharin MJA member-te kawm

On Jun 13, 2025 3 0

SP tharin MJA member-te kawm
Serchhip district-a superintendent of Police (SP) thar Gavit Gogna, IPS chuan Ningani khan MJA Serchhip District member-te kawmin, khawtlang tana thawhhona tha neih dan tur a sawipui.
SP hnenah MJA hian Serchhip Police-te hna thawh leh hmalak mekna kawnga an ngaihmawh zawng leh mamawh belh nia an hriat thlenin, a bikin, Serchhip Bazar huamchhungah ‘Police Beat Post’ changtlung tak a awm leh thuai theihnan hma la turin an ngen.
Serchhip leh a chhehvelah lirthei tlan dan mumal zawk leh him zawka ruahmanna thar siam a tul tawh tih thlenin, a bikin, ruihhlo supply dan chah a nih theihnan district chhunga ruihhlo tawlhna kawng hrang hrang leh tualchungah nasa leh chak lehzuala hmalak dan tur an sawipui a ni.
Serchhip SP thar Gavit Gogna hi 2021 IPS bacth niin, Mizoramah Crime Branch Aizawlah a awm tawh a, a hnuah SDPO Champhai niin, May 19 khan Serchhip district SP hna hi a zawm a ni.