Spain in tuilian avanga chhiatna an tuar zawm zel

Spain in tuilian avanga chhiatna an tuar zawm zel
Spain hmar lama ruahsur nasa chuan ziaawm lam pan lutuk thei lovin, hei hian tuilian a siam nasa hle a, an tualchhung thuneitute chuan mi 95 in nunna chan tawh niin an sawi.
Tuilian hi thawhlehni atang khan a nasa zual a, an ramchhung hmarchhak lamah nasa zualin, power tihtawp a ngaih bakah, in thenkhat phei chu a chim chhe hial bawk a ni.
Chhanchhuah hnathawktute chuan theihtawp chhuaha chhun leh zana chhanchhuah hna an thawh reng thu sawiin, kawngpuia tuitling a nasat avang hian chet a harsa hle an ti a, hmun thenkhatah phei chuan car te tuilian hian a chim pil hial bakah chhanchhuaktute chuan an nghawng thleng tui dai ngai a awm thu an sawi.
Valencia hmar lama awm Chiva khawpuiah phei chuan ruahtui hi a tla nasa hle a, kumin chhunga ruahtui tla tawh zawng zawng aiin darkar riat chhung leka ruahtla chu tam tham tak a nih thu Spain meteorological agency te chuan an sawi. Hei hian chhiatna a thlen tam belh hle reng a ni.
Thuneitute chuan mitthi zat hi an la tam theih thu sawiin, chin hriat theih loh tam tak an la awm thu an sawi a, sik leh sa inthlak nasa lutuk chu a bul nia an ngaih thu an sawi bawk.