Spain tuilian sulhnu thenfai hna la thawk zel

Spain tuilian sulhnu thenfai hna la thawk zel
Spain tuilian sulhnu thenfai hna kal zelah leiin a chhilh mihring leh bungraw zawn beihpui thlak hna ngawrh zawka neih a la ni zel a, garage leh car park na hmun tam takah bo zawn hna hi thawh niin, dama hmuh beisei tawh loh an tam hle niin thuneitute chuan an sawi.
Valencia khawpui pawn lama Aldaia a shopping mall a car park chhungah dawr neitu leh hnathawktute chu tuilianin a chim avangin an tang nia sawi a ni a, an chin an la hre thei mai lo bawk.
Report tam tak chuan building hnuai tam taka tuilian leh leichhilh car tam tak chu a ngaiin an la awm niin sawi bawk mah se, thenkhat erawh chu tuipuiah a lut niin an sawi a, lirthei tam tak endik zingah hian mihring tang an awm tawh lo nia sawiin, tuipui lama len luh nia hriatte chu a theih ang anga chhui zui a nih thu an sawi bawk.
Spain sorkar chuan rel service an la titawp reng tih sawiin, kawngpui tam tak chu zawh ngam a la nih loh thu an sawi bawk a. Tun hnaia bo an hmuhchhuah zingah British nupa kum 70 bawr velte chu an ruang hmuh niin, tuilianin an car a chimpil avangin an car chhungah hian thia an hmuh thu an sawi.