Spanish Grand Prix hnehtu Bagnaia

A zawna a kum thumna atan Francesco Bagnaia chu Pathianni zan MotoGP Spanish Grand Prix-ah a chak leh a, championship leader Jorge Martin erawh tlanchhuak zo loin a talbuai thung.
Reigning MotoGP champion Bagnaia khan tualchhung rider tantu ngah Martin-a chetsual a hlawkpui a tih theih ang a; Ducati rider khan lap 11-naah a bike a thunun zo lo a, Italian rider Bagnaia chuan a hnung chiaha thleng six-time champion Marc Marquez a hmakhalh zui ta a ni.
Circuito de Jerez intlansiakah khan Italy rider dang Marco Bezzecchi chu pathumna a ni.
An ram tlankawngah point thawkchhuak zo lo mah se kum 26 mi Martin khan overall standing-ah hma a hruai chhunzawm zel rih tho a, point 17-in amah hnaihbertu Ducati rider Bagnaia lakah a la chungnung.
Ducati Lenovo rider Bagnaia chuan hnehna a chan zawha amah bawrtu media mite hmaah hnehna a chan theihna kawnga pawimawh ber chu lap khatna a nih thu sawi chungin, “A hnu lamah kha chuan ka hmaa tlan nawr chiam kha a ni tawh mai a, Jorge kha a brake a hman nat avangin a chesual zui ta a ni,” a ti.
Hnehna changtu Italian rider Bagnaia hian a elpui lian ber ni zui ta Gresini rider Marquez nena inthlurbing nuam a tih thu sawilang telin, “Marc nena kan inbeih tawh hi chuan ka nawr chiam a ngai thin a, kha tak kha ka duhdan a ni,” a ti.
Bagnaia leh Marquez inthlauhna hi second 0.372 chiah a ni.