Sports Personality of the Year Sir Kenny Dalglish

On Dec 19, 2023 13 0

BBC Sports Perso-nality of the Year 2023 semchhuah huna Life-time Achievement award dawng turin Kenny Dalglish thlan a ni.
Vawiin, Thawhlehni hian MediaCityUK, Sal-ford-ah BBC Sports Personality of the Year award hrang hrang sem-na hun buatsaih a ni dawn a, award sem hun a thlen hmain Lifetime Achievement award dawng tur bik tarchhuah a ni thin a, Liverpool leh Scotland legend Sir Kenny Dalglish hun a inherchhuak ta a ni.
Kum 72 mi ni tawh Dalglish hian kum 1977-a Celtic atanga Liverpool a pan hnu khan player leh manager ni chungin Anfield-ah league title pariat leh European Cup pathum a luhpui tling a; Blackburn pawh title lakpui bawkin, Scotland mipa player zinga ram tana khel hnem ber leh goal thun hnember pakhat (joint record goalscorer) a ni.
Glasgow khuaa piang Dalglish hian Celtic-ah a career tanin, Liverpool-in khatih laia British record transfer fee (£440,000)-a an lei-chhuah hma thleng khan Celtic chu Scottish league title pali a lakpui hman.
Merseyside club-a a season hmasaberah goal 31 thun tlingin, chu’ng zingah chuan Wembley khelmual 1978 European Cup final-a sikhat faia Bruges an hnehna goal a tel nghe nghe.
May 1985 khan kum 35 mi lek ni chungin player-manager a ni chho a, he nihna thar hnuaia a season khatnaah Li-verpool chu kum 1986 khan an club chanchina a hmasaber atan domes-tic Double a nihpui a, domestic league leh cup-ah a hoin Reds an champion ve ve.
Hillsborough disaster an tih mai, kum 1989 FA Cup semi-final match-a Nottingham Forest nen Sheffield Wednesday khelmual Hillsborough stadium-a an inkhelh tuma stadium chim vanga Liverpool fans 97 tehreng an thih tum pawh khan Liverpool manager a la ni nghe nghe.
International kawtkai-ah Dalglish hian Scotland tan game 102 khelin goal 30 a tilut tling.
Football legend rual-khat dang – Sir Alex Ferguson, George Best, Sir Bobby Charlton leh Pele pawh tunhma lamin Lifetime Achievement award hi hlan an lo ni ve tawh bawk.
Kum 2022 award dawngtu chu Jamaican eight-time Olympic gold medal-winning sprinter Usain Bolt a a ni.