Sri Lanka-ah ruahsur nasa vangin mi pathum thi tawh; school khar bawk

Sri Lanka-ah ruahsur nasa vangin mi pathum thi tawh; school khar bawk
Sri Lanka chuan ruahsur nasa tak tuar mekin, mi pathumin nunna an chan tawh a, district 12 a thuneitute chuan school naupangte him zawk nan school chawlh an puang tawh bawk.
Khawchin enna atang chuan ruahsur hi nimin atang khan nasa zual tura ngaih a ni a, mitinte chu hmun him lam pan hram hram tura tih an ni.
An ram president Anura Dissanayake chuan chhanchhuah hna leh a tul hun atana tanpuina thila hman turin cheng nuai 50 hman a nih tur thu a puang a, Navy leh sipaite chu chhanchhuah hna leh ei leh in nei lote tanpuina kawnga thawk thuai thuai turin a hriattir bawk.
An khawpui leh a chhehvel phei chu ruahtui tam zualna lai tur a nih avangin nunna chan an awm belh loh nan fimkhur tura chah nasat an ni mek a, ruahtui hian a tam lam chhinchhiahna a la kawk chho rih zel dawn nia sawi a ni.