Sri Lanka-in China nen remna siam
Sri Lanka chuan China nen a leiba $4.2 billion pek dan turah inremna thar an siam thu a sawi.
Sri Lanka hian a leibatna te nen bailout kalpui zelna kawngah inremna a awm theih nan hma a la mek a.
Sri Lanka hian May 2022 khan kum tam tak hnua financial crisis turu ber a lo tawng tawh a.
Thil man sang leh essential goods vang chuan ram pum huapin nikum khan lungawilohna lantirna a siam a ni.
“China Exim bank (Export and Import bank) chu leiba harsatna chinfelna kawnga an hmalaknaah kan fak a ni,” tiin Sri Lanka Finance Ministry chuan a sawi a.
“He inremna hi Sri Lanka tan chuan chhinchhiahtlak niin economic recovery a neihna kawngah sulsutu pawimawh a ni dawn a ni,” tiin a sawi bawk a. Mahse, Minsitry chuan kimchangin inremna engmah sawi a nei zui lo thung.
Sri Lanka hian foreign debt $46.9 billion a nei a, heng aTanga 52% chu China laka a bat a ni.
Tihian a leibate enna inremna an siam hmang hian Sri Lanka chuan International Monetary Fund (IMF) aTanga bailout programme $3 billion chu a hmang thei dawn a ni.
IMF in a pek $330 million chu thla kalta aTang khan pek dan turah Sri Lanka leh IMF tena inremna an neih theihloh avangin hman theihlohin a awm zui rih a.
Tunkar hian Marrakech ah IMF leh World Bank annual meeting neihnaah Sri Lanka chuan a creditors te nena inremna an siam theih ngei beisei a ni bawk.
Loan chungchangah hian China chuan special term a inremna a siampui an hlau tiin Dhananath Fernandfo of Colombo based think tank Advocate chuan a sawi a.
Preferential treatment pek an nih chuan creditor dang ten phurrit an phurh phah dawn a ni, tiin Fernando chuan a sawi bawk a.
Japan, India leh France te chuan EXIM deal chungchang hriat an neih loh thu sawiin China nena inremna ang chu an phut tur thu an sawi nghal thung.
China hian hetianga loan thil vela inremna a siamin a ruk thei ang berin a kalpui Thin a. Mahse, Sri Lanka chuan an creditors te chu inang tlanga an ngaih vek tur thu sawiin an leibatna te pawh an leiba chu 30% tala tihniam Theuh tura an ngen tur thu a sawi bawk.
Colombo hian kumin kumtir lam khan IMF aTangin $ 3 billion loan a la a, World Bank chuan kum 2022 khan $ 600 million loan pek a lo remti tawh bawk.