Sri Lanka sorkar tharin case mu hnu a chhui thar dawn

Sri Lanka sorkar
tharin case mu hnu a chhui thar dawn
Sri Lanka sorkar thar chuan case mu hnu, chhuichhuah loh a awmte a chhui thar dawn a, heng zingah hian 2019 Easter sunday ni a hel pawlten an beihna te leh kum 2005 a Tamil journalist thah chungchangte pawh a tel.
Sorkar thar hian inthlan an neih hma khan an tling a nih chuan heng case te hi chhui thar leh a nih tur thu an lo tiam tawh a, an intiam ang ngeiin case mu hnu an kaitho thar leh dawn ta a ni.
Police thupuangtu Nihal Thalduwa chuan inrinni khan he thu hi sawichhuakin, ‘ministry chuan police hotu lawk zawng zawngte ko khawmin, he thil hi an tih ngei tur thu a hrilh a, hmalak nghal an tum,’ a ti.
An case chhui thar leh tur hi a lian hlawm hle a, chhui thar tur hi an nei nual dawn nia sawi niin, mi langsar leh pension tawh tam tak an inrawlh leh ngei a ngaih dawn avangin a namai dawn lo hle niin sawi a ni bawk.