State pali Foundation day lawmnaah Mizoram Larsap

Raj Bhavan, Mizoram buatsaihin nimin khan State pali – Manipur, Meghalaya, Tripura, Uttar Pradesh leh Union Territory of Dadra and Nagar Haveli and Daman& Diu and Diu te Foundation Day lawmna hun hmang.
He hunah hian  Mizoram Larsap Dr Hari Babu Kambhampati chuan hmarchhak state pathum leh state upa tak pakhat leh UT pakhat ten an state leh UT din champha phak an hmang rual chu lawmawm a tih thu sawiin, inpumkhatna tha zawk a awm zel theih nan hetianga hun hman ho a pawimawh thu a sawi a. He hun pawimawh tak hman a nih chhan sawiin, India rama mi chi hrang hrang chengkhawmte chu kan inlungrual a ni tih kan lantirna a nih thu a sawi.
Inlungrualna chu kan chakna thuruk a nih tih kan inhriat thar tir lehna a ni tia sawiin, Larsap chuan Foundation day lawmna programme-ah hian India-in kum 2027 a ral hmaa ram hausa leh ramchang a nih tum chungchang te leh he hmachhawp atana mitin te mawhphurhna a sawi nawn leh bawk.
State pali leh Union Territory of India pakhat din champha phak lawmna programme hi heng state leh UT video clip-te pholan atangin tan a ni a. Meghalaya Governor Shri Phagu Chaudan-a video message a neih bakah  heng State leh UT aiawhte atangin thu tawi te an sawi ngaihthlak a ni bawk.