State parukah SIR kalpui zo, Gujarat-ah voter paih tam ber

On Feb 23, 2026 0 0

Electoral roll Special Intensive Revision (SIR) chu state leh union territory parukah zawh fel a ni ta a, vote nei thei lo thahnem tak paih an ni.
Election Commission of India (ECI)-in Inrinnia thu a chhuahah vote nei thei lo, lo nei si nuai tel paih an ni tih a sawi.
Gujarat chu paih tamna ber niin 68,12,711 paih an ni a, SIR kalpui hmaa vote nei 5,08,43,436 awm thin chu 4,40,30,725 chauh an ni tawh a, 13.40%-in an tlem tawh zawk.
Madhya Pradesh-ah 34,25,078 paih an ni a, voter 5,74,06,143 awm thin chu 5,39,81,065 chauh awm tawhin 5.97%-in an tlem tawh zawk.
SIR kalpui tawhna state dangah pawh vote paih an awm teuh va. Rajasthan-ah chuan 31,36,286 paih niin vote nei 5,46,56,215 awm thin chu 5,15,19,929 chauh an awm tawh a. Kerala-ah 8,97,211 paih niin vote nei 2,78,50,855 awm thin chu 2,69,53,644 chauh an awm tawh a. Goa-ah 1,27,468 paih niin voter 11,85,034 awm thin chu 10,57,566 chauh an awm tawh.
Union territory zingah Andaman & Nicobar Islands-ah 52,364 paih niin voter 3,10,404 awm thin chu 2,58,040 chauh an awm tawh a. Lakshadweep-ah 206 paih niin voter 57,813 awm thin chu 57,607 chauh an awm tawh.
Thuneitute chuan vote nei zat tlakhniam chhan hi thun thar aia paih an thahnem hle zawk vang niin an sawi a. Paih chhan zingah thihna, awmhmun sawn, hmun khat aia tama vote nei leh vote nei thei lo neih vanga paih te an ni a. Electoral roll ennawn hna hi la chhunzawm reng a ni a, khua leh tui dik tak chuan inziah luh an dil thei reng a, paih leh dik loh siam that pawh a la theih reng tih an sawi.
West Bengal, Uttar Pradesh leh Tamil Nadu-a SIR kalpuia hming list thar pawh tihchhuah tep a ni.
ECI chuan SIR hi state 12-ah a ti dawn a, la hmabak state-a chief electoral officer-te hnenah pawh inbuatsaih hna tan tura tihna a thawn tawh a. Commission hian thawh thar pawh April atangin tan tum a nih thu a sawi.
Andaman & Nicobar Islands, Chhattisgarh, Goa, Kerala, Madhya Pradesh len Rajasthan SIR kalpuia final list chu tihchhuah a ni tawh a. Thawh hnihnaa kalpui tur zingah state pathum chauh a awm tawh a ni.