Statistics dik leh rintlak neih dan tur sawikhawm

Statistics dik leh rintlak
neih dan tur sawikhawm
April 5 khan New Delhi-ah statistical system tihhmasawn chungchang sawiin state leh union territory minister-te an intawkkhawm a. Mizoram aiawhin I&PR minister Dr Vanlalthlana a tel.
State leh UT minister ho bakah central leh state official engemawzat an tel a. minister of state (independent charge) for Ministry of Planning Rao Inderjit Singh chuan kaihruaiin, India ram intodelh leh hmasawn siam tura hmalakna, Vikshit Bharat 2047 hlawhtling taka chuankai a nih theihnan data leh statistics behchhana thutlukna dik siam thin turin state leh UT-a sawrkar fawng vuantute a chah. India ram pumin data leh statistic tha leh rintlak hmanga hmasawnna rah tha a tel theih nan thawh hona tha tak nei zel turin a sawm bawk.
Mizoram minister hian powerpoint presentation neiin Mizoram sawrkar, a bikin Planning & Programme Implementation department leh Directorate of Economics & Statistics hmalakna leh hmachhawp a sawizau. Data leh statistics rintlak hmanga sawrkarin thutlukna tha zawk a siam theih dan a sawi a ni.
Ram pum huapa statistical system changtlung zawk neih dan tur sawiho a ni a. Support for Statistical Strengthening Scheme, National Sample Survey, Gross Domestics Product, Index of Industrial Production leh Consumer Price Index chungchang sawi a ni.
India khua leh tui tana dataset pawimawh hmun khata dah khawmna, e-Sankhyiki chu sawiho zinga langsar zual a ni
Minister Dr Vanlalthlana hi Economics & Statistics director B Lalrinhlua leh assistant director C Vanlalvena ten an tawiawm.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More