Su-wei leh Strycova kutah double title

Wimbledon 2023 hmeichhe double title chu a tumhnihna atan Hsieh Su-wei leh Bar-bora Strycova tangdun-in an hlawhchhuak leh ta a, Pathianni final-ah kum 37 mi ve ve in-kawp hian 7-5 6-4-in third seeds Storm Hun-ter leh Elise Mertens thawkdun an hneh.
Taiwanese Hsieh leh Czech Strycova inkawp hian kum 2019 khan an Wimbledon title hmasa an lo sual-chhuak tawh a; Hsieh bik hi tum li lai Wimble-don doubles champion a ni ta a, kum 2021 khan Belgium nula Mertens nen tangdunin an champion a, kum 2013 daih tawh khan Peng Shuai of China nena thawkdun chungin an lo champion tawh bawk.
Strycova zawk hian kumin May thla mai khan US Open khelh zawh ruala tennis inelna a chawlhsan ve tawh thu sawichhuakin, Pa-thianni zana hnehna an chan hnu khan a thusawi tawh nemnghetin, tun kha Wimbledon-a a inlan tawpna tur a nih tawh thu a sawi.