Sum pekchhuah loh pek ngen

Sawrkar laipui dawra New Delhi-a kal Art & Culture minister C Lalsawivunga chuan Union minister for Culture Gajendra Singh Sekhawat a hmu a, Art & Culture department hnuaia hmalakna hrang hrang leh project proposal a sawipui.
Minister hian Siaha-a cheng vaibelchhe 10 senga Regional Museum sakna tur pawmpui vek tawh chu tun thlengin sum pekchhuah loh a la tih a sawu a. Tagore Cultural Centre Falkawna sakna tur detailed project report peihfel a nih tawh thu a hrilh bawk.
Union minister hian Regional Museum sakna tur chu a rang thei ang bera pekchhuah a nih tur thu sawiin, Tagore Cultural Centre pawh DRP thehlut rang tura hrilhin, a lo ngaihven zui tur thu a sawi. Mizoram sawrkar hmachhawp hrang hrangah theihtawp a chhuahpui tur thu a lo hrilh bawk.
LAD minister ni bawk C Lalsawivunga hian Union minister for Finance Nirmala Sitharaman hnenah 15th Finance Commission hnuaia Mizoramin Rural Local Bodies Grant kum 2022- 2023 chhunga a sum dawn tur chu 1st installment chiah a la dawn thu leh hei vang hian VC (rural local bodies) ten harsatna an tawh mek thu a thlen a, 2nd installment pe thuai turin a ngen a ni.