Sumdawngte leh industry tenau lamdintute tan dan tih awlsamna zawng

Sumdawngte leh industry tenau lam
dintute tan dan tih awlsamna zawng
Sawrkar laipui din – Task Force on Deregulation and Reduction of Compliances Burden member, Cabinet special secretary KK Pathak hoin Ningani khan Mizoram chief secretary leh commissioner/ secretary rual an thukhawm.
State-in deregulation a kalpui mek thlirho a ni a, phurrit tihziaawmna lam hawia state sawrkarin dan hrang hrang, a bikin MSME kaihhnawiha sumdawnna lam hawia a lo zamte siamthat dan tur pawh sawi a ni.
Commerce & Industries commissioner & secretary Dr Lalzirmawia Chhangte chuan dan leh dun, hman zel rem lo, khua leh tui tana hun khawhralna leh harsatna thlen thin ang chi a awm chuan paih tura sawrkar laipuiin a rawn hriattirna bawhzui a nih dan a report a. Hemi hnua sawihonaah department hrang hrangin sumdawnna awlsam zawka kalpui theihna tura dan tul lo siam an tihbo theih dan tur sawi a ni.
Sawihonaah hian tuna hmun hran hrana clearance neuh neuh ngai leh permit kalpui dan rei thin chuan sumdawnna thar bul tanna tur a tikhawtlai thei a, siamthat emaw hlui hlawn tur pawh engemawzat a awm tih sawi a ni.
Department hotute chu an department theuhah mipui tana thiltih awlsamna tur leh sumdawngte leh thil siamna din turte tana approval leh clearance awlsam leh rang zawka tih theihnan hma la turin Rask Force member hian a fuih a ni.