‘Super Mario’-in $872M lalut tawh

‘Super Mario’-in $872M lalut tawh
‘The Super Mario Bros. Movie’ chu a kaltluang hle a, North America-ah tun weekend kalta khan cinema hall ticket hralhna atangin dollar maktaduai 58.2 lalut lehin, a kar thum nan North American box office-ah a No.1.
Nintendo game behchhana siam, he animated movie hian kar thum chhungin US-ah dollar maktaduai 434.3 a lalut tling der tawh a, US pawnah dollar maktaduai 437.5 lalut tawh bawkin, a vaiin dollar maktaduai 871.8 a lalut der tawh. He movie hian Jurassic World lehpelin, Universal film zinga a kar thumna weekend-a sum lalut hnem ber a ni a, Universal history-ah animated film zingah US a sum lalut hnem ber a ni bawk. He film sum lakluh dan en hian dollar tluklehdingawn a lalut thei ngei dawn niin an chhut.
Warner Bros. supernatural film thar ‘Evil Dead Rise’, he cult series-a a film pangana chuan opening weekend-ah dollar maktaduai 23.5 lalutin box office No.2 a ni. He film hian US pawnah dollar maktaduai 16.8 lalut bawkin, a vaiin dollar maktaduai 40.3 a lalut nghal a ni.
Evil Dead Rise hi Lee Cronin direct niin, Lily Sullivan leh Alyssa Sutherland te channa niin, thlarau sualin a luhchilh chanchin vel tarlanna a ni a, Morgan Davies, Gabrielle Echols leh Nell Fisher te pawh an inlan.
“Guy Ritchie’s The Covenant”-in dollar maktaduai 6.3 lalutin No.3-ah a debut a, he military action thriller hi Jake Cyllenhaal channa niin, US Army sergeant pakhat, Afghanistan-a a tawnglettu a tang thin Taliban te lak atanga chhanchhuak tura Afghanistan-a a kir leh dan vel tarlanna a ni.
Box office No.1 hlui John Wick: Chapter 4-in dollar maktaduai 5.8 lalut lehin No.4 a la ni a, he film hian US-ah dollar maktaduai 170 a lalut tling tawh. Biographical drama ‘Air’ chu top 5 khartu niin, dollar maktaduai 5.6 lalut lehin No.5 a ni a, he film pawh hian US-ah dollar maktaduai 41.3 a lalut tling ve ta bawk.
Film tlangzarh thar ‘Beau Is Afraid’-in dollar maktaduai 2.7 lalutin, No.9 a ni a, he film hi Joaquin Phoenix channa a ni.

-- Advertisement --

Box office top 10:
1 The Super Mario Bros. Movie $58,230,000
2 Evil Dead Rise $23,500,000
3 The Covenant $6,282,787
4 John Wick: Chapter 4 $5,713,000
5 AIR $5,549,524
6 Dungeons & Dragons: Honor Among Thieves $5,400,000
7 The Pope’s Exorcist $3,315,000
8 Renfield $3,110,000
9 Beau is Afraid $2,710,950
10 Suzume $1,625,000

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More