Supreme Court-in nautihtlak phalsak lo

Supreme Court chuan hmeichhia pakhat lar 26 lai naupai tawhin a naupai tihtlak a dilna chu a hnawlsak ta a. Court chuan AIIMS medical board report angin nu in a naupai chu nu tana dinhmun derthawng a ni lo va, naupai pawh a hrisel tha a ti bawk.
A hmain sorkar chuan court in a remti a nih chuan sorkar sumin a hun a tihah nau chu tihtlak a nih tur thu a sawi a. Chutihrual chuan Centre chuan nau nu leh pa in an remti a nih chuan naute chu adopt tur pawha pek tura ruahmanna an siam theih thu a sawi bawk.
Medical Termination of Pregnancy (MTP) Act hnuaiah nau tihtlak remtih chin chu kar 24 an nih chinah niin chu pawh hmeichhia pasal neite tan chauh emaw, pawngsual avanga rai emaw, hmeichhe dinhmun tha lo te an nih chauhin a ni bawk.
Chuvang tak chuan kar 26 lai ni tawh hmeichhe pakhatin a naupai tihtlak remtihna a dil avangin Supreme Court chuan a ngaihtuah rei hle a.
Court in thutlukna a siamna chhan chu AIIMS medical board doctor tena zirchianna an neih hnuah October 10 khan Apex Court hnenah naupai mek chu dam khawchhuak thei turin a dinhmun a tha a tih vang a ni.