Supreme Court-in Rahul Gandhi case stay rih

Supreme Court chuan August 4, 2023 khan kum 2019-a political rally a ‘Modi’ hming chungchang a sawi avanga criminal defamation case thehluh zuiah Congress leader Rahul Gandhi thiamloh chantirna chu a stay zui a.
Court thutlukna avang hian Gandhi chu Parliament-ah a let leh thei dawn a. Lok Sabha Secretariat in member a nihna a kenkawhsak leh zui chuan tun monsoon session neih mekah pawh a tel zui thei dawn a ni.
Three-judge Bench Justice B.R. Gavai kaihhruaia Justices P.S. Narasimha leh Sanjay Kumar te pawh awmna chuan Gujarat trial court chuan Congress leader kum hnih lung in tang tura a hremna chhan pakhat pawh sawilan a nei lo, a ti.
Court chuan Magistrate chuan penal code in lung in tan emaw chawitir emaw a pahnihna hrem theihna duhthlan theihna a neih laiin hremna na ber a pe nghal ringawt tiin a sawi.

‘Hremna chhan tling lo’
Supreme Court chuan phek 120-a chhah judgement a siamah Gujarat High Court chuan Gandhi hnena hremna na thei ang ber pe chung sia a chhan leh vang chiang tak sawi lang bawk si lo tiin a sawi a.
Top court chuan Rahul Gandhi chu under Section 8(3) of the Representation of People Act hmangin kum riat hrem tur tihna chhan chu kum hnih lung in tantir tura tih avang liau liau a ni a ti bawk a.
Bench chuan “disqualification chuan mimal rights a khawih mai bakah Parliament a electorate ai a awh te pawh a khawih a, a nghawng a na em em a ni” tiin Court chuan a sawi bawk a.
“Constituency pumin aiawh an nei dawn lo tihna a ni lawm ni?” tiin a sawi bawk a.
Senior advocate A.M. Singhvi leh advocate Prasanna S. te chuan Congress leader chu kum riat chhung hrem an tum a ni.

‘Inzahtawn a ngai’
“Democracy ramah lungawilohna room a awm. Politics ah chuan inzahtawnna a awm tur a ni,” tiin Singhvi chuan a sawi a.
Supreme Court chuan eng pawh ni se Gandhi thusawi chu ‘a tha lo’ tiin a sawi.
“Mipui hmaa miin thu a sawi chuan a fimkhur a ngai a ni. Petitioner Gandhi hi a fimkhur zual tur a ni,” tiin a sawi bawk a.
Court chuan Rahul Gandhi chu nakin zela fimkhur tawh tura a tih tawh thu sawiin a hma pawhin inthlan hmasak dawnah “chor” chungchang a sawi avanga a hauh tawh thu a sawi bawk.
Hearing neihnaah Singhvi chuan defamation case dang accused laka kum hnih lung in tang tura hremna a la hriat ngai loh thu a sawi a.
He case hian sualna nasa tak dang pawngsual, mi rukbo leh tualthah te ang thil turu tak tak te nena khaikhin chia ni lo tia sawi bawkin Singhvi chuan a sawi bawk.
Gandhi hian Parliament session pahnih a tel theih loh phah tawh a. A case neih tin te chu BJP ‘karyakartas’ te tih vek a ni, tiin Singhvi chuan a sawi bawk a.
Senior advocate Mahesh Jethmalani, complainant Gujarat BJP MLA Purnesh Modi aiawha ding chuan Gandhi thusawiah official witness, tapes leh recording te pawh a awm a ti a. Electronic evidence awm atangin Rahul Gandhi hian Prime Minister Narendra Modi a huat em avangin ‘Modi’ tih hming pu zawng zawng tihhmingchhiat a tum a ni, a ti ve thung.

Thudik a dingchang thin
Congress-te chuan Supreme Court-in 2019 defamation case a Rahul Gandhi thiam a chantir chu ‘democracy tana chakna’ tiin an sawi.
Supreme Court-in a conviction a stay zawh veleh Rahul Gandhi chuan, “Thudik chu vawiinah a nih loh chuan naktukah a chak tho ang. Ka kawng a chiang a. Mipui ten min hmangaihna leh duhsakna min lantir avangin ka lawm a ni,” tiin a sawi bawk.
Court thutlukna siam chu “mipuite hnehna, voter te hnehna leh Wayanad mipuite hnehna a ni” tiin Congress president Mallikarjun Kharge chuan a sawi bawk a.
“Rahul Gandhi chu darkar 24 chhungin disqaulified in a awm a. Eng tianga rangin nge an lakluh leh ang tih kan thlir ang” tiin Kharge chuan presss conference neihnaah a sawi zui bawk.
Congress general secretary in-charge communications Jairam Ramesh pawhin Supreme Court thutlukna siam chu thudik duha kenkawhna tiin a sawi bawk a.
“BJP machinery tena theihpalingkawh an chhuah chungin Rahul Gandhi a duai duh lo va, kun hniam duh lovin chung ai chuan judicial process-ah rinna a nghat a ni,” tiin a sawi bawk a.
“Hei hi BJP te tan lession ni teh se, in duh anga chhia pawhin che ula kan tlawm dawn lo. Sorkar leh party anga in hlawhchhamna te kan lailang zel ang. Constitutional ideals kengkawh zelin tihchhiat in tum em em institution-ah te rinna kan nghat zel ang,” tiin a sawi bawk.