Suzuki Avenis First Flight a hlawhtling

Mahlui Pearl School of Fashion Designing chuan LBS Suzuki thawhpuiin Dawrpui Multipurpose Centre, Aizawlah ‘Fashion Show’ an buatsaih a, hetiang kawnga tui Mizo thalai beiseiawm tak takte an inlan.
Suzuki Avenis First Flight-ah hian an hnen atanga zir chhuak mai turte thiamna lantirin, an thawmhnaw design inbelin model-te an inlan a, an zingah hian Miss Mizoram 2024 Jenifer Lalrinzuali Renthlei pawh a tel. Entu mipui an pung khawm thahnem a, fashion show kar lakah zai thiam leh lam thiamten mipui tan ennawm leh ngaihnawm an hlui bawk.
Mahlui Pearl School of Fashion chuan show hlawhtling tak niin an hria a, an thawhpui LBS Suzuki chungah lawmthu an sawi a. Kar hmasa Zirtawpni zana thil thleng tawh kha ni mah se local cable nerwork hmangin mipui tam zawk hmuh theih tura chhawpchhuah zui an tum a ni.