Nikum US Open-a a grand slam title hmasaber hlawhchhuak Coco Gauff chuan a major title pahnihna tur a beisei leh mekna kawngah world number one leh Roland Garros champion lai ni bawk Iga Swiatek hmachhawn turin French Open semi-final a lut a, hna hautakin a hmuak nghal.
American third seed Gauff hian quarter-final match-ah Tunisian nu rothap leh khawng zet Ons Jabeur lakah 4-6 6-2 6-3 hnehna changin, Roland Garros kawtkaiah American mihang kum 20 mi lek hian tisa leh rilru lam thlengin a puitling hle tawh tih a lantir.
US Open champion Coco tum leh tur Polish top seed Iga Swiatek hian kum 2022 final-ah khan American hi a lo hneh tawh a, vawiin last four-ah Gauff hian phuba a la thei dawn em kan thlir ang.
Swiatek hian a zawna French Open title vawithum lak zawn tuma semi-final a luhna kawngah 6-0 6-2-in Czech fifth seed Marketa Vondrousova a hneh a, player khawng tak Gauff lakah fiahna lian a hmachhawn zui dawn a ni.
Swiatek hmachhawn tura tlang Gauff
Get real time updates directly on you device, subscribe now.