Swiss Open last 4 lut Srikanth leh Rajawat

Basel khawpuia Swiss Open Super 300 tournament kal mekah ace Indian shuttler Kidambi Srikanth chuan Ningani zan khan men’s singles round-of 16 match pakhatah 21-61, 21-15-a top seed Lee Zii Jia of Malaysia hnehin quarter-final a lut a; Priyanshu Rajawat leh Kiran George-te pawhin men’s singles round-of 16 match-ah hnehna changin last-eight an lut ve bawk.
George hian French shuttler Alex Lanier lakah 18-21, 22-20, 21-18 hnehna a chang hram a, Rasmus Gemke of Denmark nen semi-final luh an inchuh dawn a; Srikanth chuan Lee Chia-Hao lakah fiahna hmachhawn lehin, Rajawat chuan quarter-final match dangah Chinese-Taipei star Chou Tien-Chen a tum thung ang.
Hetih lai hian top Indian male shuttler Lakshya Sen chu round-of 16 match dangah 17-21, 15-21-in Lee Chia-Hao of Chinese-Taipei lakah tlawmin pre-quarterfinal a paltlang zo lo a; hmeichhe singles lamah Two-time Olympic medallist PV Sindhu pawh Japanese tleirawl kum 17 mi junior world champion Tomoka Miyazaki chuan 21-16, 19-21, 16-21-in a vaw tla a, All England Championship khelh zawh takah pawh khan second round paltlang zo loin a tlawm tawh bawk.
Ningani vek khan Indian women’s doubles pair Treesa Jolly leh Gayatri Gopichand chuan quarter-final lut turin Indian pair ve bawk Priya Konjengbam leh Shruti Mishra lakah straight-game hmangin hnehna an chang.
Eighth seeded Commonwealth Games bronze medallists hian minute 36 lek chhungin ranked 75th Priya leh Shruti lakah 21-10, 21-12 hnehna nuamsa an chang hman.
World no. 26 Treesa leh Gayatri hian Australian pairSetyana Mapasa leh Angela Yu an su zui leh.
World No. 20 Tanisha Crasto leh Ashwini Ponnappa erawh 17-21, 16-21-in Japanese world No. 30 Rui Hirokami leh Yuna Kato lakah an tlawm thung.