Synod Presbytery Inkhawmpui nei

Mizoram Synod hnuaia inkhawmpui lian ber dawttu, Presbytery Inkhawmpui chu October 10-13 chhung hian Mizoram chhung leh pawn hmun hrang hrangah neih mek a ni.
October 10-ah Nomination Committee, Finance Committee leh Sub-Pastoral Committee an thu a; Kohhran Upa thlan tharte exam buatsaih niin, zan inkhawmah palai lawmin Pastor Bial Report ngaihthlak a ni.
October 11&12 hian Rorel Inkhawm neih a ni a. Presbytery thenkhat chuan vawiin – Inrinni chauh hian rorel inkhawm an nei dawn. Zan lamah vantlang Pathian biak inkhawm neih a ni a. October 13 (Pathianni) chawhmaah Upa Nemngheh Inkhawm a ni anga, chawhnuah Lalpa Zanriah Sakramen leh Upa thite sunna inkhawm a awm anga, zanah Presbytery moderator kalchhuakten valedictory sermon an sawi ang.
Presbytery inkhawmpui hmanpui hian Synod Puipate chu Presbytery hrang hrangah an chhuak a. Moderator Rev R Vanlalnghaka chuan Chhimchhak Presbytery-ah a hmanpui a ni.