T20 thiam ber Chhinga Veng Cricket Club

T20 thiam ber Chhinga Veng Cricket Club
Aizawl Sipai Lam-muala Twenty20 Cham-pionship khelh zawh takah final match-a run 113 zeta an kawmthlanga awm Armed Veng Cri-cket Club hnehtu Chhinga Veng Cricket Club an champion.
Nimin final match-ah Chhinga Veng toss-ah chakin vuak hmasak an thlang a; opener Jehu Anderson (93 runs) leh Lalhmangaiha (72 runs)-te an chetthat avangin ball 120-ah run 247 lai puitlinin, wicket sarih an hloh.
Target sang tak umin Armed Veng lamin theihtawp chhuah bawk mah se over 19.5-ah mi 9 out hmanin, run 114 chauh an tlin thei a; an mualpho khuhna turin H. Lalchhuanawma’n a vawm leh vuak lamah a thawhhlawk hle ani.
He championship zawh fel takah hian team 14 an chhuak a, first bottom four leh second division-te’n knock out-in an khel a; team inelte chu – Chhinga Veng CC, Armed Veng CC, Chan-marians, Gladiators CC, Ramhlun Venglai Jr. CC, Legends CC, Pacers CC, Durtlang CC, Venghnuai Raiders CC, Luangmual CC, Hunthar CC, Zema-bawk Pitchers CC, ILMOV CC leh Bawng-kawn South CC-te an ni.
Final match-ah hian Chhinga Veng star player Jehu Anderson chu ‘man of the match’ atan thlan niin, Jehu-a tho hi ‘best batsman’ a ni nghal a; Bawngkawn South bowler hriam Lalremruata chu ‘best bowler’ atan puan niin, amah bawk hi ‘player of the tournament’ atan thlanchhuah a ni nghal nghe nghe.