8th National Senior Taekwondo Championship, Puducherry, February 10 – 12, 2023 chhunga neih zawh takah Mizoram Taekwondo team chuan Silver 1 leh Bronze 3 an la.
-- Advertisement --
Mizoram Team te medal lakna hi Poomsae inelnaah vek niin H.Vanlalfela Armed Veng South leh Vanlalhmangaihzuali Kolasib te tan dun ten silver an lak a ni a. Quarter Final leh semi final round-ah a sang pathum zingah an tel chho vek a. Final round mi pariat inelnaah point 64.2 hmuin an chung chiah point 64.5 hmutu SSB te chu point 0.1 chauha pha lovin pahnihnaah an tawp ta a ni. Iindividual mipa leh hmeichhia khel te Lalthlamuanpuia, Venghlui leh Vanlalhmangaihzuali, Kolasib ten Bronze an la ve ve a. Mipa team Lalthlamuanpuia, Daniel Lalhumthanga, H.Vanlalfela te tangho chuan Bronze medal an la bawk.
Kyorugi lamah Under 74 kg a khel, Vanlalmawipuia chu quarter finalah SSCB lakah 11-8, 9-4 tlawmin a vanduai a. PC Lalmuanawma Under 68kg a khel chuan uiawm takin quarter-final a lut zo llova, hmeichhe lamah Under 68kg a khel, K.Lalngaihawmi pawh semi-final lut zo lovin a vanduai bawk.
National Senior Championship ah hian State 35 leh Central Service 7 an tel a ni.