Taekwondo khel turin Arunachal an pan
Arunachal Pradesh-a October ni 3-6, 2024 chhung awh tur Khelo India Womens Taekwondo League Northern Region khel turin Thawhlehni khan Mizoram player pakua leh official pathumte’n Aizawl an chhuahsan.
Mizoram aiawhtute hian Poomsae (form) leh Kyorugi (fight)-ah Mizoram tan an in lan dawn a; Poomsae-ah hian mi pahnihin an khel ang a, Kyorugy-ah mi pasarihin an khel thung ang.
Mizoram tana inlan turte hi thla hluia zawh tak Mizoram Official Taekwondo Championship-a champion-te kha niin, senior under 49kg huanga khel tur R. Lalbiaknuami hi Champion of Champions 2024 Title kawl mektu a ni.
Mi pahnihin cadet category-ah an khel dawn a; junior huangah mi pali inlanin, mi pakhatin senior category huangah inelna a hmachhawn ang.
Mizoram team hi Lalsangzuali (Tuikual North), Zohmingthanga, NR (Bilkhawthlir) leh Felix Lalnunpuia, NR (Luangmual)-te’n an hruai.
Mizoram team list
Kyorugi
1. Esther Vanthangpuii Khawruhlian – Cadet Under 55 kg
2. MC Salemmawii Chanmari – Junior Under 44 Kg
3. PC Lalduhawmi Ramthar North – Junior Under 46kg
4. Precilla Lallawmsangi Chaltlang – Junior Under 52kg
5. R. Lalbiaknuami Chaltlang – Senior Under 49kg
Poomsae
1. Esther Lalchhanhimi Chhinga Veng – Cadet Individual
2. Payel Chetri Chaltlang – Junior Individual
Official
1. Lalsangzuali Tuikual North – coach
2. Zohmingthanga Bilkhawthlir – NR
3. Felix Lalnunpuia Luangmual – NR