Taiwan palai nen inkawm

Aizawla Chapchar Kut hmanga rawn kal, India rama Taiwan palai Baushan Ger chuan Central YMA office tlawhin an hruaitute nen an inkawm.
Central YMA president Lalhmachhuana leh hruaitu dangten an lo dawngsawng a. Taiwan thalai leh Mizo thalai intlawh tawn (youth exchange) neih, cultural exchange, agriculture leh skill training lam bakah labour mobility lam an sawiho. Mizo thalaite hmasawnna tur Taiwan sawrkarin a tih ve theih tur pawh sawi a ni.
Central YMA hruaitute chuan YMA kalphung leh hnathawh dan an hrilhfiah a. Mizo thalaite Taiwan thalaite nena intlawh tawn dan awm thei se an duh thu an sawi bawk.