Taiwan sawrkar aiawhte lokal

Taiwan sawrkar aiawhte lokal
India-Taiwan Labor Mobility Agreement 2024 hnuaia a hmasa ber, pilot project atan Mizo thalaite Taiwan-a hna thawk tura hmalakna chungchangah Taiwan Ministry of Labor vice minister, India rama Taiwan ambassador leh official dang, an vaiin mi 10 Aizawlah an lokal.
Mizoram Youth Commission office-a an inkhawmna, MYC chairman Malsawmzuala Ralte kaihhruaiah officer on special deuty to chief minister Jonathan Lalremruata bakah LESDE department aiawh an tel a. Taiwan vice minister hian Mizoram chu ei leh in, hmel, hnam dan leh nunphungah an inang a tih thu sawiin, Mizo thalaite pawhin Taiwan nuam an tih ve ngei a beisei tih a sawi a ni.
Taiwan-a hna thawk duh Mizo thalai 300 chuangin MYC-ah dilna an thehlut a, a thawh khatna hi kumin March chhunga tihfel hman tum a ni. Manufacturing industry-a thawk tur an ni dawn a, MYC hian TECC (Taiwan Economic & Cultural Centre) nena tangdunin Mizo thalai Taiwan-a hnathawka kal turte pualin training hrang hrang an neihpui dawn a ni.
Taiwan vice minister leh a hote hian chief minister leh chief secretary pawh an chenna inah hmu in, thalai hnathawk tur thawn bakah disaster management and mitigation, agriculture/ horticulture, badminton, solar, electronics-a thawh ho dan tur an sawipui a ni.